1. Navigation
  2. Inhalt
REVOSax - Recht und Vorschriftenverwaltung Sachsen

Historische Fassung war gültig vom 01.05.1999 bis 31.07.2008

Sakski serbski zakon

Vollzitat: Sakski serbski zakon vom 31. März 1999 (SächsGVBl. S. 173), das zuletzt durch Artikel 59a des Gesetzes vom 27. Januar 2012 (SächsGVBl. S. 130) geändert worden ist

Sorbischsprachige Fassung des Gesetzes über die Rechte der Sorben im Freistaat Sachsen:

Zakoń
wo prawach Serbow w Swobodnym staće Sakskej
(Sakski serbski zakoń – SSZ)

Z dnja 31. měrca 1999

Sakski krajny sejm je dnja 20. januara 1999 slědowacy zakoń wobzamknył:

Preambla

Připóznawajo wolu serbskeho ludu, kotryž ma w Delnjej a Hornjej Łužicy swoju starodawnu domiznu a kotryž je swoju rěč a kulturu hač do dźensnišeho časa wobchował, swoju identitu tež w přichodźe zdźeržeć,

wobkedźbujo fakt, zo Serbja zwonka hranicow Zwjazkoweje republiki Němskeje žadyn maćerny stat nimaja, kotryž so jim napřećo winowaty čuje a so wo škit a wobstaće jich rěče, kultury a tradicije stara,

wědomy sej toho, zo je škit, hladanje a wuwiće serbskich hódnotow kaž tež zdźerženje a sylnjenje serbsko-němskeho charaktera Łužicy w zajimje Swobodneho stata Sakskeje,

spóznawajo, zo njejstej prawo na narodnu a etnisku identitu kaž tež spožčenje cyłka prawow ludowych skupin a mjeńšin ani dar ani priwileg, ale dźěl uniwersalnych čłowjeskich prawow a prawow na swobodu,

realizujo wot Zwjazkoweje republiki Němskeje ratifikowane mjezynarodne dojednanja k škitej a spěchowanju narodnych mjeńšin a ludowych skupin,

poćahujo so na artikl 3 Zakładneho zakonja, artikl 35 Zjednoćenskeho zrěčenja, dopjelnjeny wo protokolowu noticu čo. 14, a na wustawu Swobodneho stata Sakskeje

wobzamknje Sakski krajny sejm, wuchadźejo z artikla 6 Sakskeje wustawy, slědowacy Zakoń wo prawach Serbow w Swobodnym staće Sakskej (Sakski serbski zakoń – SSZ).

§ 1
Přisłušnosć k serbskemu ludej

K serbskemu ludej słuša, štóž so k njemu wuznawa. Wuznaće je swobodne. Wone njesmě so ani wotprěć ani přepruwować. Z tutoho wuznaća njesmědźa žane njelěpšiny nastać.

§ 2
Prawo na serbsku identitu

(1) W Swobodnym staće Sakskej bydlacy staćenjo, kotřiž serbskemu ludej přisłušeja, su runoprawny dźěl statneho ludu.

(2) Serbski lud a kóždy Serb mataj prawo, swoju etnisku, kulturnu a rěčnu identitu swobodnje zwuraznjeć, ju wobchować a dale wuwiwać.

(3) Serbski lud a kóždy Serb mataj prawo na škit, wobchowanje a hladanje swojeje starodawneje domizny a swojeje identity. Swobodny stat Sakska, wokrjesy, gmejnske zwjazki a gmejny w serbskim sydlenskim teritoriju garantuja a spěchuja tajke wuměnjenja, kiž zmóžnjeja staćanam, kotřiž serbskemu ludej přisłušeja, swoju rěč a tradicije kaž tež swoje kulturne herbstwo jako bytostne dźěle swojeje identity wobchować a dale wuwiwać.

§ 3
Serbski sydlenski teritorij

(1) Jako serbski sydlenski teritorij w zmysle tutoho zakonja płaća bjezwokrjesne město Wojerecy kaž tež te gmejny a dźěle gmejnow wokrjesow Kamjenc, Budyšin a Delnjošlesko-hornjołužiskeho wokrjesa, w kotrychž ma přewažna wjetšina w Swobodnym staće Sakskej bydlacych staćanow, kotřiž serbskemu ludej přisłušeja, swoju starodawnu domiznu a w kotrychž je serbska rěčna abo kulturna tradicija hač do přitomnosće dopokazujomna.

(2) W jednotliwym wopřijimuje serbski sydlenski teritorij te gmejny a dźěle gmejnow, kotrež su w přiłoze k tutomu zakonjej postajene. Změny přisłušnosće ke gmejnje njetangěruja přisłušnosć k serbskemu sydlenskemu teritorijej.

(3) Ze serbskim sydlenskim teritorijom postaja so geografiski wobłuk nałožowanja na teritorij so poćahowacych naprawow za škit a spěchowanje serbskeje identity. W jednotliwym padźe móže Statne ministerstwo za wědomosć a wuměłstwo po próstwje jedneje gmejny, po słyšenju wotpowědneho wokrjesa, zastupnistwa zajimow Serbow po § 5 a Rady za serbske naležnosće po § 6, wuwzaća wot na teritorij so poćahowacych naprawow dowolić.

(4) Wosebity charakter serbskeho sydlenskeho teritorija a zajimy Serbow maja so při rjadowanju krajneho a komunalneho planowanja wobkedźbować.

§ 4
Serbske barby a hymna

(1) Barby a wopon Serbow móža so w serbskim sydlenskim teritoriju runoprawne pódla barbow kraja a wopona kraja wužiwać. Serbske barby su módra-čerwjena-běła.

(2) Serbska hymna móže so w serbskim sydlenskim teritoriju runoprawna wužiwać.

§ 5
Zastupnistwo zajimow Serbow

Zajimy staćanow, kotřiž serbskemu ludej přisłušeja, móža so na krajnej, regionalnej a komunalnej runinje wot jednoho třěšneho zwjazka serbskich zwjazkow a towarstwow zastupować.

§ 6
Rada za serbske naležnosće

(1) Sakski krajny sejm woli z wjetšinu wotedatych hłosow přeco za čas jedneje wólbneje periody Radu za serbske naležnosće. Tuta wobsteji z pjećoch čłonow. Serbske zwjazki a towarstwa kaž tež gmejny serbskeho sydlenskeho teritorija po § 3 maja za wólby prawo namjetowanja.

(2) W naležnosćach, kotrež prawa serbskeje ludnosće nastupaja, matej Sakski krajny sejm a Statne knježerstwo Radu za serbske naležnosće słyšeć.

(3) Čłonojo Rady za serbske naležnosće skutkuja čestnohamtsce. Za swoje skutkowanje dóstawaja wot Statneho ministerstwa za wědomosć a wuměłstwo wotnamakanje.

§ 7
Rozprawa Statneho knježerstwa

Statne knježerstwo podawa Sakskemu krajnemu sejmej znajmjeńša jónu w kóždej legislaturnej periodźe rozprawu wo połoženju serbskeho ludu w Swobodnym staće Sakskej.

§ 8
Serbska rěč

Nałožowanje swójskeje rěče je jedne z bytostnych znamjenjow serbskeje identity. Swobodny stat Sakska připóznawa serbskej rěči, wosebje hornjoserbšćinu, jako wuraz duchowneje a kulturneje bohatosće kraja. Jeju wužiwanje je swobodne. Jeju nałožowanje w słowje a pismje w zjawnym žiwjenju a pozbudźowanje k tomu so škitatej a spěchujetej.

§ 9
Serbska rěč před sudnistwami a zarjadami

(1) W serbskim sydlenskim teritoriju maja staćenjo prawo, před sudnistwami a zarjadami Swobodneho stata Sakskeje kaž tež jeho dohladej podstejacych zjednoćenstwow, wustawow a załožbow zjawneho prawa serbsku rěč nałožować. Wužiwaja-li tute prawo, ma to samsne wuskutki, kaž hdy bychu němsku rěč nałožowali. Na naležnosće staćanow, přednjesene w serbskej rěči, móže so wot zarjadow Swobodneho stata Sakskeje a jeho dohladej podstejacych zjednoćenstwow, wustawow a załožbow zjawneho prawa w serbskej rěči wotmołwić a wo nich w serbskej rěči rozsudźić. Kóštowe poćeženja abo druhe njelěpšiny njesmědźa serbskim staćanam z toho nastać.

(2) Swobodny stat Sakska zasadźuje so za to, zo nałožuja so postajenja wotrězka 1 tež na zarjady Zwjazka a zarjadnišća priwatneho prawa, wosebje wobchadnistwa a dalokopowěstwownistwa, póšty, strowotnistwa a socialnistwa kaž tež kultury a kubłanja, kotrež maja w serbskim sydlenskim teritoriju swoje sydło.

§ 10
Dwurěčne wuhotowanje z taflemi

(1) Wuhotowanje z taflemi w zjawnym rumje přez zarjady Swobodneho stata Sakskeje a jeho dohladej podstejace zjednoćenstwa, wustawy a załožby zjawneho prawa, wosebje na zjawnych twarjenjach, zarjadnišćach, dróhach, pućach, zjawnych naměstach a mostach, ma w serbskim sydlenskim teritoriju w němskej a serbskej rěči być.

(2) Swobodny stat Sakska a jeho dohladej podstejace zjednoćenstwa, wustawy a załožby zjawneho prawa skutkuja na to, zo maja tež druhe twarjenja zjawneho wuznama w serbskim sydlenskim teritoriju napisy w němskej a serbskej rěči.

§ 11
Narěčenski partner při zarjadach

(1) W serbskim sydlenskim teritoriju ma při zarjadach Swobodneho stata Sakskeje a zarjadach jeho dohladej podstejacych zjednoćenstwow, wustawow a załožbow zjawneho prawa po móžnosći jedyn sobudźěłaćer, kotryž serbsku rěč wobknježi, jako narěčenski partner k dispoziciji stać.

(2) W serbskim sydlenskim teritoriju skutkuje Swobodny stat Sakska na to, zo so zajimy Serbow kaž tež přiswojenje serbskorěčnych znajomosćow w poskitku za wukubłanje a dalekubłanje přistajenych w zjawnym zarjadnistwje na přiměrjene wašnje wobkedźbuja.

§ 12
Wědomosć

(1) Swobodny stat Sakska spěchuje wědomostne slědźenje na polu serbskeje rěče, stawiznow a kultury.

(2) Swobodny stat Sakska wudźeržuje uniwersitarne slědźenske a wuwučowanske zarjadnišćo za sorabistiku při Lipsčanskej uniwersiće.

§ 13
Kultura

(1) Swobodny stat Sakska škita a spěchuje kulturu a wuměłske tworjenje Serbow.

(2) Wokrjesy a gmejny w serbskim sydlenskim teritoriju zapřijimuja serbsku kulturu na přiměrjene wašnje do swojeho kulturneho dźěła. Wone spěchuja serbske wuměłstwo, nałožki a wašnja kaž tež přez tradiciju, tolerancu a mjezsobne česćowanje tworjene zhromadne žiwjenje swojich staćanow.

§ 14
Medije

Swobodny stat Sakska prócuje so wo to, zo so serbska rěč a kultura wosebje přez serbskorěčne wusyłanja a přinoški w medijach na přiměrjene wašnje wobkedźbujetej.

§ 15
Zhromadne dźěło přez krajne hranicy

(1) Swobodny stat Sakska spěchuje zromadnosć a podpěruje přez krajne hranicy sahace zajimy Serbow Delnjeje a Hornjeje Łužicy. Za tutón zaměr dźěła wón z krajom Braniborskej hromadźe.

(2) Swobodny stat Sakska zapřijimuje na přiměrjene wašnje serbske zwjazki a institucije do swojeho hranicy překročowaceho zhromadneho dźěła z druhimi krajemi a statami.

§ 16
Wozjewjenje

Tutón zakoń wozjewi so w němskej a hornjoserbskej rěči.

§ 17
Nabyće a zhubjenje płaćiwosće

Tutón zakoń nabudźe płaćiwosć na dnju po swojim wozjewjenju. Zdobom zhubja Zakoń wo zachowanju prawow serbskeje ludnosće z dnja 23. měrca 1948 (Zakonske a wukazowe łopjeno Kraj Sakska str. 191), dalokož wón po artiklu 3 Prawo wučisćenskeho zakonja Swobodneho stata Sakskeje z dnja 17. apryla 1998 (SächsGVBl. str. 151, 152) dale płaći, § 3 Nachwilneho zakonja wo zarjadniskim jednanju za Swobodny stat Saksku(SächsVwVfG) z dnja 21. januara 1993 (SächsGVBl. str. 74), změnjeneho přez § 22 zakonja z dnja 19. apryla 1994 (SächsGVBl. str. 777, 781), a § 3 Zakonja za wuwjedźenje jednanskoprawniskich a ležownostnoprawniskich předpisow w jednaćelskim wobłuku Statneho ministerstwa justicy (Justicny wuwjedźenski zakoń – JustAG) z dnja 12. decembra 1997 (SächsGVBl. str. 638) swoju płaćiwosć.

Předchadźacy zakoń so z tym wobkrući a ma so wozjewić.

Budyšin, dnja 31. měrca 1999

Prezident Krajneho sejma
Erich Iltgen

Ministerski prezident
prof. dr. Kurt Biedenkopf

Statny minister
za wědomosć a wumělstwo
prof. dr. Hans Joachim Meyer

„Anlage“        „Přiłoha“
(zu § 3 Abs. 2)    (k § 3 wotr. 2)

Anlage
lfd.
Nr.
Städte und Gemeinden
města a gmejny
mit den Gemeindeteilen
z gmejnskimi dźělemi
lfd.
Nr.
Städte und Gemeinden
města a gmejny
mit den Gemeindeteilen
z gmejnskimi dźělemi
čo. deutsch/němsce sorbisch/serbsce deutsch/němsce sorbisch/serbsce
Niederschlesischer Oberlausitzkreis/Delnjošlesko-hornjołužiski wokrjes
 1. Bad Muskau Mužakow Bad Muskau Mužakow
      Köbeln Kobjelin
 
 2. Boxberg Hamor Bärwalde Bjerwałd
      Boxberg Hamor
      Kringelsdorf Krynhelecy
      Nochten Wochozy
      Reichwalde Rychwałd
      Sprey Sprjowje
 
 3. Gablenz Jabłońc Gablenz Jabłońc
      Kromlau Kromola
 
 4. Groß Düben Dźěwin Groß Düben Dźěwin
      Halbendorf Brězowka
 
 5. Hohendubrau 1) (Wysoka Dubrawa) Dauban Dubo
      Gebelzig Hbjelsk
      Groß Saubernitz Zubornica
      Ober Prauske Hornje Brusy
      Sandförstgen Borštka
      Weigersdorf Wukrančicy
 
 6. Klitten Klětno Dürrbach Dyrbach
      Jahmen Jamno
      Kaschel Košla
      Klein-Radisch Radšowk
      Klitten Klětno
      Tauer Turjo
      Zimpel Cympl
 
 7. Krauschwitz Krušwica Klein Priebus Přibuzk
      Krauschwitz Krušwica
      Pechern Pěchč
      Podrosche Podroždź
      Sagar Zagor
      Skerbersdorf Skarbišecy
      Werdeck Werdek
 
 8. Kreba-Neudorf Chrjebja-Nowa Wjes Kreba Chrjebja
      Lache Čorna Truha
      Neudorf Nowa Wjes
      Tschernske Černsk
 
 9. Mücka Mikow Förstgen Dołha Boršć
      Förstgen-Ost Dołha Boršć-Wuchod
      Leipgen Lipinki
      Mücka Mikow
 
10. Quitzdorf am See 1) (ohne sorbische Horscha Hóršow
    Bezeichnung) Petershain Hóznica
 
         
11. Rietschen Rěčicy Altliebel Stary Lubolń
      Daubitz Dubc
      Hammerstadt Hamoršć
      Neuliebel Nowy Lubolń
      Rietschen Rěčicy
      Teicha Hatk
 
12. Schleife Slepo Mulkwitz Mułkecy
      Rohne Rowno
      Schleife Slepo
 
13. Trebendorf Trjebin Mühlrose Miłoraz
      Trebendorf Trjebin
 
14. Uhyst Delni Wujězd Drehna Tranje
      Mönau Manjow
      Rauden Rudej
      Uhyst Delni Wujězd
 
15. Weißkeißel Wuskidź Haide Hola
      Weißkeißel Wuskidź
 
16. Weißwasser/O.L. Běła Woda Weißwasser/O.L. Běła Woda
 
Landkreis Bautzen/Wokrjes Budyšin
 1. Bautzen Budyšin Altstadt Stare Město
      Auritz Wuricy
      Bloaschütz Błohašecy
      Bolbritz Bolborcy
      Burk Bórk
      Döberkitz Debrikecy
      Gesundbrunnen Strowotna Studnja
      Großwelka Wulki Wjelkow
      Kleinseidau Zajdow
      Kleinwelka Mały Wjelkow
      Löschau Lešawa
      Lubachau Lubochow
      Nadelwitz Nadźanecy
      Niederkaina Delnja Kina
      Oberkaina Hornja Kina
      Oberuhna Horni Wunjow
      Ostvorstadt Wuchodne Předměsto
      Salzenforst Słona Boršć
      Schmochtitz Smochćicy
      Stadtmitte Centrum Města
      Stiebitz Sćijecy
      Südvorstadt Južne Předměsto
      Teichnitz Ćichońca
      Temritz Ćemjercy
      Westvorstadt Zapadne Předměsto
 
 2. Burkau 1) (Porchow) Neuhof Nowy Dwór
 
 3. Doberschau-Gaußig 1) (Dobruša-Huska) Arnsdorf Warnoćicy
      Brösang Brězynka
      Diehmen Demjany
      Doberschau Dobruša
      Drauschkowitz Družkecy
      Dretschen Drječin
      Gaußig Huska
      Gnaschwitz Hnašecy
      Golenz Holca
      Grubschütz Hrubjelčicy
      Günthersdorf Hunćericy
      Katschwitz Kočica
      Neu-Diehmen Nowe Demjany
      Neu-Drauschkowitz Nowe Družkecy
      Preuschwitz Přišecy
      Schlungwitz Słónkecy
      Techritz Ćěchorjecy
      Weißnaußlitz Běłe Noslicy
      Zockau Cokow
 
 4. Göda Hodźij Birkau Brěza
      Buscheritz 2) Bóšericy
      Coblenz Koblicy
      Dahren Darin
      Dobranitz Dobranecy
      Döbschke Debiškow
      Dreikretscham Haslow
      Dreistern Tři Hwězdy
      Göda Hodźij
      Jannowitz Janecy
      Kleinförstchen Mała Boršć
      Kleinpraga Mała Praha
      Kleinseitschen Žičeńk
      Leutwitz Lutyjecy
      Liebon 2) Liboń
      Muschelwitz Myšecy
      Nedaschütz Njezdašecy
      Neu-Bloaschütz Nowe Błohašecy
      Neuspittwitz Nowe Spytecy
      Öberförstchen Hornja Boršć
      Paßditz Pozdecy
      Pietzschwitz Běčicy
      Preske Praskow
      Prischwitz Prěčecy
      Seitschen Žičeń
      Semmichau Semichow
      Siebitz Dźiwoćicy
      Sollschwitz Sulšecy
      Spittwitz Spytecy
      Storcha Baćoń
      Zischkowitz Čěškecy
      Zscharnitz Čornecy
 
 5. Großdubrau Wulka Dubrawa Brehmen Brěmjo
      Commerau b. Klix Komorow p. Klukša
      Crosta Chróst
      Dahlowitz Dalicy
      Göbeln Kobjelń
      Großdubrau Wulka Dubrawa
      Jeschütz Ješicy
      Jetscheba Jatřob
      Kauppa Kupoj
      Kleindubrau Mała Dubrawa
      Klix Klukš
      Kronförstchen Křiwa Boršć
      Margarethenhütte Margarećina Hěta
      Neusärchen Nowe Zdźarki
      Quatitz Chwaćicy
      Salga Załhow
      Särchen Zdźar
      Sdier Zdźěr
      Spreewiese Lichań
      Zschillichau Čelchow
 
 6. Großpostwitz/O.L. 1) (Budestecy) Berge Zahor
      Binnewitz Bónjecy
      Cosul Kózły
      Denkwitz Dźenikecy
      Ebendörfel Bělšecy
      Großpostwitz/O.L. Budestecy
      Klein-Kunitz Chójnička
      Mehltheuer Lubjenc
      Rascha Rašow
 
 7. Guttau Hućina Brösa Brězyna
      Guttau Hućina
      Halbendorf/Spree Połpica/Sprjewja
      Kleinsaubernitz Zubornička
      Lieske Lěskej
      Lömischau Lemišow
      Neudorf/Spree Nowa Wjes/Sprjewja
      Ruhethal Wotpočink
      Wartha Stróža
 
 8. Hochkirch 1) (Bukecy) Hochkirch Bukecy
      Jauernick Jawornik
      Kohlwesa Kołwaz
      Kuppritz Koporcy
      Lehn Lejno
      Meschwitz Mješicy
      Neukuppritz Nowe Koporcy
      Neuwuischke Nowy Wuježk
      Niethen Něćin
      Plotzen Błócany
      Pommritz Pomorcy
      Rodewitz Rodecy
      Sornßig Žornosyki
      Steindörfel Trjebjeńca
      Wawitz Wawicy
      Wuischke Wuježk
      Zschorna Čornjow
 
 9. Königswartha Rakecy Caminau Kamjenej
      Commerau Komorow
      Entenschänke Kača Korčma
      Eutrich Jitk
      Johnsdorf Jeńšecy
      Königswartha Rakecy
      Neudorf Nowa Wjes
      Niesendorf Niža Wjes
      Oppitz Psowje
      Truppen Trupin
 
10. Kubschütz Kubšicy Baschütz Bošecy
      Blösa Brězow
      Canitz-Christina Konjecy
      Daranitz Torońca
      Döhlen Delany
      Großkunitz Chójnica
      Grubditz Hruboćicy
      Jenkwitz Jenkecy
      Kreckwitz Krakecy
      Kubschütz Kubšicy
      Kumschütz Kumšicy
      Litten Lětoń
      Neupurschwitz Nowe Poršicy
      Pielitz Splósk
      Purschwitz Poršicy
      Rabitz Rabocy
      Rachlau Rachlow
      Rieschen Zrěšin
      Scheckwitz Šekecy
      Soculahora Sokolca
      Soritz Sowrjecy
      Waditz Wadecy
      Weißig Wysoka
      Zieschütz Cyžecy
 
11. Malschwitz Malešecy Baruth Bart
      Briesing Brězynka
      Brießnitz Brězecy
      Buchwalde Bukojna
      Cannewitz Skanecy
      Doberschütz Dobrošecy
      Dubrauke Dubrawka
      Gleina Hlina
      Kleinbautzen Budyšink
      Malschwitz Malešecy
      Niedergurig Delnja Hórka
      Pließkowitz Plusnikecy
      Preititz Přiwćicy
      Rackel Rakojdy
 
12. Neschwitz Njeswačidło Caßlau Koslow
      Doberschütz Dobrošicy
      Holscha Holešow
      Holschdubrau Holešowska Dubrawka
      Krinitz Króńca
      Lissahora Liša Hora
      Loga Łahow
      Lomske Łomsk
      Luga Łuh
      Neschwitz Njeswačidło
      Neudorf Nowa Wjes
      Pannewitz Banecy
      Saritsch Zarěč
      Uebigau Wbohow
      Weidlitz Wutołčicy
      Zescha Šešow
 
13. Obergurig Hornja Hórka Großdöbschütz Debsecy
      Kleindöbschütz Małe Debsecy
      Lehn Lejno
      Mönchswalde Mnišonc
      Obergurig Hornja Hórka
      Schwarznaußlitz Čorne Noslicy
      Singwitz Dźěžnikecy
 
14. Puschwitz Bóšicy Guhra Hora
      Jeßnitz Jaseńca
      Lauske Łusč
      Neu-Jeßnitz Nowa Jaseńca
      Neu-Lauske Nowy Łusč
      Neu-Puschwitz Nowe Bóšicy
      Puschwitz Bóšicy
      Wetro Wětrow
 
15. Radibor Radwor Bornitz Boranecy
      Brohna Bronjo
      Camina Kamjenej
      Cölln Chelno
      Droben Droby
      Großbrösern Přezdrěń
      Lippitsch Lipič
      Lomske Łomsk
      Luppa Łupoj
      Luppedubrau Łupjanska Dubrawka
      Luttowitz Lutobč
      Merka Měrkow
      Milkel Minakał
      Milkwitz Miłkecy
      Neu-Bornitz Nowe Boranecy
      Neu-Brohna Nowe Bronjo
      Quoos Chasow
      Radibor Radwor
      Schwarzadler Čorny Hodler
      Teicha Hat
      Wessel Wjesel
 
         
16. Weißenberg Wóspork Belgern Běła Hora
      Cortnitz Chortnica
      Drehsa Droždźij
      Gröditz Hrodźišćo
      Grube Jama
      Kotitz Kotecy
      Lauske Łusk
      Maltitz Malećicy
      Nechern Njechorń
      Nostitz Nosaćicy
      Särka Žarki
      Spittel Špikały
      Weicha Wichowy
      Weißenberg Wóspork
      Wuischke Wuježk
      Wurschen Worcyn
 
Landkreis Kamenz/Wokrjes Kamjenc
 1. Crostwitz Chrósćicy Caseritz Kozarcy
      Crostwitz Chrósćicy
      Horka Hórki
      Kopschin Kopšin
      Nucknitz Nuknica
      Prautitz Prawoćicy
 
 2. Elsterheide Halštrowska Hola Bluno Błuń
      Geierswalde Lejno
      Klein-Partwitz Bjezdowy
      Nardt Narć
      Neuwiese-Bergen Nowa Łuka-Hory
      Sabrodt Zabrod
      Seidewinkel Židźino
      Tätzschwitz Ptačecy
 
 3. Elstra 1) (Halštrow) Kriepitz Krěpjecy
 
 4. Kamenz 1) (Kamjenc) Deutschbaselitz Němske Pazlicy
      Jesau Jěžow
      Kamenz Kamjenc
      Thonberg Hlinowc
      Wiesa Brěznja
 
 5. Knappensee Hórnikečanski Jězor Groß Särchen Wulke Ždźary
      Koblenz Koblicy
      Wartha Stróža
 
 6. Lohsa Łaz Dreiweibern Tři Žony
      Driewitz Drěwcy
      Friedersdorf Bjedrichecy
      Hermsdorf/Spree Hermanecy
      Lippen Lipiny
      Litschen Złyčin
      Lohsa Łaz
      Mortka Mortkow
      Riegel Roholń
      Steinitz Šćeńca
      Tiegling Tyhelc
      Weißig Wysoka
      Weißkollm Běły Chołmc
 
 7. Nebelschütz Njebjelčicy Dürrwicknitz Wěteńca
      Miltitz Miłoćicy
      Nebelschütz Njebjelčicy
      Piskowitz Pěskecy
      Wendischbaselitz Serbske Pazlicy
 
 8. Oßling 1) (Wóslink) Milstrich Jitro
 
 9. Panschwitz-Kuckau Pančicy-Kukow Alte Ziegelscheune Stara Cyhelnica
      Cannewitz Kanecy
      Glaubnitz Hłupońca
      Jauer Jawora
      Kaschwitz Kašecy
      Lehndorf Lejno
      Neustädtel Nowe Město
      Ostro Wotrow
      Panschwitz-Kuckau Pančicy-Kukow
      Säuritz Žuricy
      Schweinerden Swinjarnja
      Siebitz Zejicy
      Tschaschwitz Časecy
 
10. Räckelwitz Worklecy Dreihäuser Horni Hajnk
      Höflein Wudwor
      Neudörfel Nowa Wjeska
      Räckelwitz Worklecy
      Schmeckwitz Smječkecy
      Teichhäuser Haty
 
11. Ralbitz-Rosenthal Ralbicy-Róžant Cunnewitz Konjecy
      Gränze Hrańca
      Laske Łask
      Naußlitz Nowoslicy
      Neuschmerlitz Bušeńka
      Ralbitz Ralbicy
      Rosenthal Róžant
      Schmerlitz Smjerdźaca
      Schönau Šunow
      Zerna Sernjany
 
12. Spreetal Sprjewiny Doł Burg Bórk
      Burghammer Bórkhamor
      Burgneudorf Nowa Wjes
      Neustadt Nowe Město
      Spreetal Sprjewiny Doł
      Spreewitz Šprjejcy
      Zerre Drětwa
 
13. Wittichenau, Stadt Kulow, město Brischko Brěžki
      Dubring Dubrjenk
      Hoske Hózk
      Keula Kulowc
      Kotten Koćina
      Maukendorf Mučow
      Neudorf Nowa Wjes
      Rachlau Rachlow
      Saalau Salow
      Sollschwitz Sulšecy
      Spohla Spale
      Wittichenau, Stadt Kulow, město
 
Kreisfreie Stadt Hoyerswerda/Bjezwokrjesne město Wojerecy
  Hoyerswerda Wojerecy Bröthen Brětnja
      Dörgenhausen Němcy
      Hoyerswerda Wojerecy
      Knappenrode Hórnikecy
      Kühnicht Kinajcht
      Neida Nydej
      Schwarzkollm Čorny Chołmc
      Zeißig Ćisk

  1. Gemeinden, von denen nur Teile zum sorbischen Siedlungsgebiet gehören; die sorbischsprachige Bezeichnung der Gemeinde ist deshalb in Klammern gesetzt.
  2. Ist nach dem Verzeichnis der Gemeinden und Gemeindeteile im Freistaat Sachsen kein Gemeindeteil.

 

Marginalspalte

Verweis auf Bundesgesetze

    Fundstelle und systematische Gliederungsnummer

    SächsGVBl. 1999 Nr. 7, S. 173

    Gültigkeitszeitraum

    Fassung gültig ab: 1. Mai 1999

    Fassung gültig bis: 31. Juli 2008